كلمات اغنية جبار حبك

من أشعار هزاع بن ناصر بن مذكر الهاجري


جبار حبك ولكنك علي غالي
وقلبي على حبك الجبار وصيته
يا اول غلا في خفوقي واخر أمالي
من قلبك الحب والاخلاص حسيته



مرة شهور بغيابك وانته فبالي
اشتاق شوفك وبعدك ماتمنيته
غيبتك ياروح روحي عذبة حالي
عانيت جرح الغلا والشوق قاسيته



ماهمني قول عذالك وعذالي
ولا الزمن لا نوى الفرقى تحديته
والعمر دونك حبيبي كيف يحلى لي
غيرك من الناس كم ياني وصديته






عادي تموت البشر بس انته تبقى لي
يامن على الروح قبل القلب وليته
غالي وتبقى على بعد المدى غالي
مايطوي الوقت صفحة شخص حبيته



عسى تروق لكم كما راقت لي
تحياتي وتقديري